Gönguskíðaferð með sleðahundum á Vatnajökli eða á láglendi Öræfasveitar

    Þessi ferð er tilvalin aðferð til að kynnast sleðahundasportinu Ski Joring. Þessi íþrótt felst í því að láta sleðahund(a) draga sig á gönguskíðum. Það er betra að hafa einhverja reynslu af gönguskíðum fyrir, en ekki þarf mikla skíðakunnáttu til að láta einn hund draga sig. Kenndar eru helstu skipanir til hundsins, auk þess sem búnaður er kynntur og við reynum að velja áhugaverðan áfangastað þannig að þú slærð tvær flugur í einu höggi, ferð í spennandi gönguskíðaferð á einu fallegasta landsvæði Íslands, auk þess sem þú þjálfast í Ski Joring.
    Núna haustið 2008 erum við með Siberian Husky hundana Heimskauta Nætur Rökkva og Múla Birtingu, Alaskan Malamute tíkina Röskvu auk Þýska fjárhundsins Aragorns sem dregur yfirleitt leiðsögumanninn. Við getum fengið lánaða fleiri Siberian Husky hunda úr Heimskautaræktuninni ef með þarf, en fyrst um sinn einbeitum við okkur að ferðum með einstaklinga.

Heimskauta Nætur Rökkvi, elsti hundur Öræfaferða

Rökkvi og Birting á Vatnajökli núna í október.

    Við getum líka farið með fólk sem á eigin hunda og búnað í þessa ferð á sama verði, en þá farið lengra, og kennt meira, sem sagt lengri tími og meiri kennsla fyrir sama verð. Ef þið erum með eigin hunda þá má líka fara með fleiri en þrjá og verðið lækkar að sama skapi.

Alaskan Malamute tíkin Röskva á stake out.

Ski Joring Útbúnaður

    Aron hjá Öræfaferðum útbýr sjálfur ski joring útbúnað og hægt er að kaupa af honum tilbúin sett. Þetta sett hér á myndinni er fyrir 2 hunda. Verðið er 5000 kr. Sett fyrir einn hund kostar 3500 kr. Að auki þarft þú að eiga dráttarbeisli á hundinn/hundana, og belti á þig (hægt er að nota klifurbelti). Að sjálfsögðu má nota þennan búnað líka fyrir reiðhjól, hlaupahjól eins og á www.hlaupahjol.com , á línuskautum, eða bara til að hlaupa með hundinn.

Hornfirsk Dráttarbeisli

    Við erum núna farnir að láta sauma fyrir okkur mjög góð Hornfirsk dráttarbeisli fyrir sleðahunda. Svo nú getum við afgreitt Ski Joring Kit með dráttarbeisli fyrir hundinn líka. Verðið á dráttarbeislinu er 4000 kr, svo að heildarsett fyrir einn hund er 7500 kr og fyrir 2 hunda 13.000 kr.Ef þú þarft dráttarbeisli þá þurfum við að fá á tölvupósti á alla vega þyngdina og helst stærðina á hundinum. Mældu hundinn frá hnakka að rófu (láttu hundinn standa og mældu frá hálsólinni aftur á rófubein). Mældu líka utan um brjóstkassan, fast aftan við framfætur.

    Við erum ekki með klifurbelti til sölu en mælum með Petzl eða Black Diamond klifurbeltum. Þá slærðu 2 flugur í einu höggi, hefur gott ski joring belti til að nota með hundunum, og getur líka notað sama belti til göngu á Hvannadalshnúk, eða í aðrar jökla eða fjallgöngur. Ef þú ert ekki að fara í ísklifur eða tæknilegt klettaklifur þá mæli ég með Petzl Pandion beltinu. Keyptu eina læsta Petzl karabínu með. Sjá www.petzl.com
    Petzl Calidris beltið er frábært fyrir þá sem líka ætla að klifra. Fjallakofinn www.fjallakofinn.is á Reykjavíkurvegi 64 í Hafnarfirði selur þessi belti, auk frábærs útivistarfatnaðar frá Marmot, og Smartwool og Scarpa.

Við létum sauma eftir beislum sem við fengum á  www.coldspotfeeds.com sem er besta sleðahundaverslunin sem við þekkjum. Spottinn sem snapsið fer í er í misjöfnum litum eftir stærð beislisins. Litakerfið sem við notum er svona er svona...

    Við erum ekki enn farin að bjóða upp á hundasleðaferðir (nema þá í mesta lagi fyrir einn eða tvo viðskiptavini í góðum aðstæðum), og það er ekki víst að við gerum það næstu árin enda þarf virkilega marga hunda til að bjóða þannig ferðir. (Við erum núna bara með 4 hunda að staðaldri en getum fengið nokkra lánaða í viðbót þegar með þarf). Við bendum á www.dogsledding.is en þau bjóða hundasleðaferðir á Mýrdalsjökli á sumrin, og Mýrdalssandi á veturna.

Matthías 4 ára, yngsti sonurinn á Hofsnesi á hundasleða um jólin 2007.

ÖRÆFAFERÐIR ehf    Kt.521203-3310
Phone: +354 8940894    Email: info@hofsnes.com    Mail: Hofsnes, 785 Oraefi, Iceland

 Last edited 03.12.2008