|
| |
Afþreying á Suðausturlandi Allt Árið!
Öræfaferðir
bjóða margskonar ferðir allan ársins hring fyrir fólk sem
upplifa vill jökla, fjöll og firnindi Öræfa og Íslands, fótgangandi, á skíðum, snjóþrúgum
eða jafnvel með aðstoð brodda og ísaxa. Takmarkið getur verið stutt
jökla-upplifunarferð á Svínafellsjökul,
gönguskíðaferð á Vatnajökul, eða fjallaskíðaferð á
hæsta tind Íslands
Hvannadalshnúk eða aðra fjallatinda Íslands.
Einnig bjóðum við ísklifurnámskeið, klettaklifur, og fjallaskíða eða
gönguskíðaleiðangra. Viðskiptavinir okkar hafa verið allt frá nemendum úr
grunnskólum landsins upp í heimsfræga fjallaklifrara.
Vinsælasta ferð Öræfaferða er þó fuglskoðunar- og söguferð í friðlandið
Ingólfshöfða en þangað förum við með um 5
þúsund manns á ári. Svo erum við byrjuð með auðvelda og
byrjendavæna Kajakaferð að auki.
Einar á Hvannadalshnúk í 222 skipti 10. maí 2007.
Ég heiti Einar Rúnar
Sigurðsson og rek ásamt eignkonu minni Matthildi Unni Þorsteinsdóttur, og föður
mínum Sigurði Bjarnasyni, ferðaþjónustufyrirtækið Öræfaferðir. Við búum á bænum
Hofsnesi í Öræfum. Faðir minn byrjaði með sínar ferðir árið 1991, eftir að hann
hætti hefðbundnum búskap en fann ný not fyrir heykerruna sína; að flytja fólk út
í friðlandið Ingólfshöfða.
Ég fylgdi í fótspor hans árið 1994 og byrjaði að fylgja fólki upp á
Hvannadalshnúk, hæsta tind Íslands. Núna hef
ég staðið 232 sinnum á toppnum (síðan 3. maí 2008) og á því heimsmetið þar.
Síðan við giftumst árið 2000 hefur konan mín, Matta, einnig
verið með í ferðum og nú sér hún um mikinn hluta ferðanna í
Ingólfshöfða ásamt mér. Faðir minn, Sigurður er að verða 75 ára og hann er
farinn að taka því rólega, en um leið og hann er að hætta þá er þriðja kynslóðin
að byrja að taka þátt, því Aron Franklín, elsti sonur okkar (fæddur 1991), mun
hjálpa til við ferðirnar í sumar.
Við bjóðum
ferðir allt árið, alla daga vikunnar nema sunnudaga!
Forstjóri Öræfaferða (Guð) sagði
okkur að erfiða og vinna allt okkar verk sex daga vikunnar en þann
sjöunda mættum við hvíla okkur og njóta lífsins. Þetta stendur meira að
segja í handbók Öræfaferða (sem er Biblían) á bls. 77 (2Mós 20:8-11).
Reyndar erum við (Matta og Einar) pastorar
Hvítasunnukirkjunnar á Höfn og þar
sem það er vaxandi starf þá biðjum við ferðaskrifstofur og aðra að sýna
okkur þann velvilja að skipuleggja ekki ferðir með okkur á sunnudögum.
Ekki hika við að hafa samband!
* Öræfaferðir - Hofsnes - 785 Öræfi
( Einar 8940894
Netfang: info@hofsnes.com
Veffang:
www.hofsnes.com
Ef þig vantar gistingu eða aðra þjónustu hér í Öræfum kíktu þá
á
www.oraefi.is
Góð síða um suðausturland
www.vatnajokull.is
Ef þú ert að leita að vélsleða eða jöklajeppaferðum farðu þá á
www.glacierjeeps.is
Vefur Íslenska Alpaklúbbsins er
www.isalp.is
Fyrir leit af allskonar þjónustu um allt land prófaðu
www.market.is
|
